"Pareno strisciulelle d’acqua ‘e mare !
Verde smeraldo si so’ fragulelle,
spruzzate ‘argiento dint’a na spasella
luceno p’ ’a frischezza e p’ ’o culore.
spruzzate ‘argiento dint’a na spasella
luceno p’ ’a frischezza e p’ ’o culore.
Si so’ cchiù grosse, so’ alice ‘e sperone,
accussì blù ca pareno pittate
comme, chi sa, ll’avessero pittate
mmane d’artista ‘e nu…decoratore.
accussì blù ca pareno pittate
comme, chi sa, ll’avessero pittate
mmane d’artista ‘e nu…decoratore.
I’ me fermavo spisso addu Luigione:
me ‘ncantavo a guardà ‘sta piscaria
ch’assumigliava a na giujelleria…
tant’era ‘o bbene ‘e Ddio ca se vedeva.
me ‘ncantavo a guardà ‘sta piscaria
ch’assumigliava a na giujelleria…
tant’era ‘o bbene ‘e Ddio ca se vedeva.
Ll’acqua scurreva ‘a tanti ffuntanelle.
sciuliànno ‘ncopp’â lastra d’ ’o bbancone
(na lastra ‘e marmo ca nun fa ‘mpressione
pecchè era vivo chello ca ce steva)
sciuliànno ‘ncopp’â lastra d’ ’o bbancone
(na lastra ‘e marmo ca nun fa ‘mpressione
pecchè era vivo chello ca ce steva)
Ll’evera ‘e mare tutt’arravugliata
ê vvote cummigliava quase apposta
ciefàre, auràte, spigole, raoste.
saraghe, triglie ‘e morze e tutt’’o riesto.
ê vvote cummigliava quase apposta
ciefàre, auràte, spigole, raoste.
saraghe, triglie ‘e morze e tutt’’o riesto.
Po' , tra na fronna e n’ata, ’o pesce ‘e taglia
cacciava n’uocchio lustro e ‘nsanguinato
comme pe ddì:« mo mmo m’hanno piscato !
Te paro muorto, ma so’ vivo ancora !»
cacciava n’uocchio lustro e ‘nsanguinato
comme pe ddì:« mo mmo m’hanno piscato !
Te paro muorto, ma so’ vivo ancora !»
Vuje che vulite ‘a mme? forse so’ fesso…
ma addò c’è gusto, hub ce sta perdenza…
V’ ’o ddico sotto voce, ’ncunfidenza,
ca preferisco ‘alice…E ch’aggio ‘a fà ?
ma addò c’è gusto, hub ce sta perdenza…
V’ ’o ddico sotto voce, ’ncunfidenza,
ca preferisco ‘alice…E ch’aggio ‘a fà ?
Me piaceno ‘nturtiera, ’ncopp’ ’e ppizze,
spinate c’ ’o limone, si è zucuso,
ma chelle ca so’ proprio ‘e cchiù sfezziose,
a vverità..songo ll’alice fritte.
spinate c’ ’o limone, si è zucuso,
ma chelle ca so’ proprio ‘e cchiù sfezziose,
a vverità..songo ll’alice fritte.
Ll’affierre cu ddoje ddete , capa e coda,
t’ ’e passe ‘nnanz’’o musso dritte, dritte
e comme si sunasse n’urganetto
siente musica ‘e mare ‘mmocca a tte.
t’ ’e passe ‘nnanz’’o musso dritte, dritte
e comme si sunasse n’urganetto
siente musica ‘e mare ‘mmocca a tte.
Siccomme ‘o mare a mme me piace assaje
ve cerco sulamente nu favore:
Nun me purtate sciure quann’i’ moro,
nun appicciate lluce nnanz’â nicchia…
ve cerco sulamente nu favore:
Nun me purtate sciure quann’i’ moro,
nun appicciate lluce nnanz’â nicchia…
Voglio sentere addore ‘e chistu mare
( pure ‘int’’o testamento ll’aggio scritto)
Pirciò vv’ ’o ddico ‘a mo , ma zittu zitto
«Purtateme nu piatto ‘alice frltte ! »"
( pure ‘int’’o testamento ll’aggio scritto)
Pirciò vv’ ’o ddico ‘a mo , ma zittu zitto
«Purtateme nu piatto ‘alice frltte ! »"
di G.Cangiano
